Escola de Dereito
Dereito Civil. " A Okupación como dereito"

Os xoves en compostela as 21,30 h, os venres a coruña as 20,00 H.
En Santiago de Compostela. Rua Domingo de Andrade nº 8 Baixo (Local Provisional) Barrio de Vite.
Na coruña no Centro Social Okupado na Rua Atocha Baixa.

Ahí vai o tríptico da Universidade Popular para difundir

PROGRAMA

Día 4 de marzo
*A fraude da Sida - Manolo Garrido (SAUDE)

Día 11 de marzo (DEREITO PENAL)*Introdución ao Dereito Penal .

Día 18 de marzo (DEREITO PENAL) convidados: Sandra Garrido , Fernando Blanco Arce
*Os delitos

Día 25 de marzo (DEREITO PENAL) convidados: ,José Angel Brandariz, Fran Pallas
*As penas

Día 1 de abril (DEREITO PENAL) convidados: Manolo Garrido, Dudi
*Participación no delito
*A responsabilidade penal

Día 15 de abril (DEREITO PENAL) convidados: Xuntanza Antiprohibicionista
*Psiquiatría forense

Día 22 de abril (DEREITO PENAL) convidados: Paski, Marisa Sánchez
*Os procesos penais
*Fases do proceso

facilitadores: Fran del buey (DEREITO PENAL), Manolo Garrido (SAÚDE)

>>ONDE, CANDO?

No Local Social de VIte (Rua Arquitecto Domingo de Andrade, número 8, nos bloques brancos, Santiago de Compostela). Ás 21:00 h.

>>OUTROS CURSOS EN PREPARACIÓN

- Dereito Penitenciario
Maio-Xuño 2009.

- Dereito Civil- A Okupación como dereito

Abril 2009.

- Dereito Civil e Economía
Xullo-Agosto 2009

- Dereito Ambiental
data por confirmar

O dereito é á ortografía o que a poesía é á xustiza... esta frase repetida por nos até a saciedade, reflicte moi ben a necesidade de crear un espazo de aprendizaxe e debate ao redor da cuestión xurídica.

As persoas presas, e a poboación desfavorecida a diario sofren a ditadura das leis e do dereito... Fronte a esta imposición do estado e da sociedade moitas veces o/a procesado/a, imputado/a, ou denunciado/a permanece inmobilizado/a por descoñer as regras do xogo que o están a xulgar, por ignorar as consecuencias das súas palabras, actos ou declaracións, por non sospeitar as responsabilidades, imposicións e trampas que se agochan en cada sentenza, auto, carta, denuncia ou sanción.
Por iso é preciso que nos alfabeticemos, para liberarnos destas cadeas do poder, é preciso coñecer a lei para facer a trampa, é preciso mirar o sistema dende arriba e non dende abaixo, é preciso entender cada palabra para respostala e devolver con dignidade a nosa verdade...
Por isto e porque é tempo de que os coñecementos, a sabiduría, os medios e a técnica cheguen a onde se precisan; é tempo de que se abran os libros, as aulas, as bibliotecas, as mentes, e que "o saber" comece a deixar de ser o privilexio duns cantos, que o único que perseguen é perpetuar as súas prebendas e blindarse fronte á vida, mentres o resto naufraga.

En fin, bañarse vestido para non ter que gardar a roupa.

Benvidos, benvidas a Universidade Popular...

Escola é adoutrinamento. É un aparello do Estado que cumpre a función de instalar en nenas e mozas a base ideolóxica, o conxunto de valores que o sustenta como institución ao servizo da tristeza rendíbel. Por que cho poñen tan difícil se queres educar aos teus fillos na casa? Por que che obrigan a seguir os seus criterios do que se debe saber e do que non?

Nesta institución autoritaria o individuo é adestrado sobre todo para a sumisión, para permanecer encerrado nun sitio durante varias horas seguidas facendo o que lle mandan. Así, cando estea preparado poderá aguantar as 8 horas da xornada de traballo inútil (unha verdadeira tortura para un individuo que estea ben da cabeza). Todas as mañás dos nosos primeiros anos de vida para aprender que cousa? Porque non nos encerran na escola para aprender... Sobre todo tes que estar alí para aceptar a sumisión ante "a Ciencia", "a Técnica", "a Industria", "o Mercado", "o Estado", e tantos outros tótens do sistema... ti non vales nada. É asi, dinche. Cala e acepta.